Kolli krabbi, besti smiðurinn á austurbakka árinnar, er alltaf reiðubúinn að hjálpa vinum sínum. Eftir erfiða vinnuviku er blái garðskálinn, sem hann dreymdi um, enn óreistur og hávaðasöm fiskafjölskylda hefur komið sér fyrir á byggingarstaðnum. Örþreyttur skríður Kolli undir teppi og neitar að draga frá. Vinir hans eru steinhissa. Boðað er til bráðafundar. Komið er að því að vinirnir taki til sinna ráða.